Иван Фадеев чын кеше

Ул үз тормышын авыл хуҗалыгына багышлады. Яңабирдедә туып-үскән үсмернең 12 яшеннән хезмәт биографиясе башлана.

– Авыр сугыш еллары булуга карамастан, авыл балалары бала булып калды, – дип искә ала Иван Фадеев.

Гадәт, еллар дәвамында формалаша. Иван Егорович хезмәт сөючәнлеге, үз эшен яхшы дәрәҗәдә башкаруы белән башкалардан аерылып тора. Алдынгы механизаторның техникасы һәрвакыт тәртиптә була. Эше гел уңай бара. Шуның өчен аңа район буенча алтынчы булып саналган чылбырлы тракторны ышанып тапшыралар. Мондый егәрле техниканы теләсә кемгә бирмиләр. Тракторны авылда «җәнлек» дип атыйлар.

Ирле-хатынлы Иван Егорович һәм Анна Васильевна Фадеевлар өч бала тәрбиялиләр – Мария, Николай һәм Наталья. Хәзер Геннадий Николаевич кече кызы тәрбиясендә, аның янында балалары, оныклары еш булалар. Ветеранга бәхет өчен тагын нәрсә кирәк? Якыннарының кайгыртуы һәм мәхәббәте, билгеле.

– Әти киңәше буенча без сәнгать өлкәсендәге белемне сайладык, – диләр балалары.

Юбилярны 90 яше белән котларга шәһәрдән мәртәбәле кунаклар килделәр. Район башлыгы урынбасары Ләйсән Галеева һәм ветераннар Советы рәисе Любовь Сорокина тәбрикләүләренә җирлек башлыгы Евгений Никифоров кушылды.