Юл куркынычсызлыгын тәэмин итик

Республикада җәяүлеләр катнашында булган юл-транспорт һәлакәтләре саннары югары булып кала.
Сигез ай эчендә 864 җәяүле авариягә эләккән, шуларның 85е вафат булган, 817 җәяүле төрле дәрәҗәдә җәрәхәтләр алган. Аварияләрнең 92 проценты - машина йөртүчеләр, сигез проценты җәяүлеләр гаебе белән килеп чыккан. Ә көзге чорда күрсәткечләр тагын да үсә. Шул сәбәптән, 1 октябрьдән унысына кадәр республикада "Җәяүлеләр юлы" исемле профилактик чара уздырылачак. ЮХИДИ хезмәткәрләре җәяүлеләр юлны аркылы чыккан җирләрдә кизү торачаклар, уку учреждениеләрендә ЮХИДИ һәм юл йөрү куркынычсызлыгы фонды белән берлектә тематик чаралар оештырылачак.