Яраткан эшенә һәм ата-бабалар васыятенә тугрылыклы

Сәламәтлек саклау ветераны Фәүзия Фатыйхова күркәм юбилеен билгеләде.

Фәүзия Миргалимовна безнең газетага даими язылучы, "Татмедиа"АҖ үткәргән бәйгедә ел саен катнашучы. Ул дүрт мәртәбә призер булды. "Менделеевские новости"-"Менделеевск яңалыклары" газеталарын гына түгел, "Татмедиа" нәшер иткән "Казан утлары", "Сөембикә", "Мәдәни җомга" журналларын да актив укучы. Бу Фатыйховлар гаиләсе алдырган вакытлы басамаларның берничәсе генә.

Фәүзия ханымны күпләр 35 елдан артык гомерен медицина өлкәсенә биргән югары квалификацион категорияле табиб буларак белә. 1983 елда Л.Карпов исемендәге химия заводы санаторий-профилакториеның баш врачы вазифасына чакыралар. Фәүзия Миргалимовна җитәкчелегендәге үз эшенең осталары тупланган коллективта 20 төр дәвалау башкарыла. Хезмәттәшләре һәм заводлылар кешеләрне яратуы, үз эшенә тугрылыгы һәм мәрхәмәтлелеге өчен баш табибны хөрмәт итәләр, кешене сүз белән дә дәвалый, диләр аның турында.

Фәүзия ханымның гаиләсе бәхетле. Яраткан тормыш иптәше Шәүкәт Закирович белән студент елларында, ул Казан төзелеш институтында укыган вакытта танышалар. Соңрак Чебоксар педагогик университетының художество-графика бүлеген тәмамлый. 1968 елда өйләнешәләр, медицина институты юлламасы буенча яшь стоматолог тормыш иптәшенең ватанына килә. Һәм Менделеевск Фәүзия Миргәлимовна өчен яраткан, туган шәһәренә әверелә. Биредә аларның белеме буенча педагог һәм икътисадчы кызлары Резеда һәм ике - педагогик һәм юридик югары белем алган уллары Марат туа һәм үсә. Оныклары Алия оныкчык бүләк иткән, аны бар гаилә ярата. Лаеклы ялда юбиляр тулы канлы тормыш белән яши, укырга ярата, түтәлләр һәм клумбалар белән мәшгуль, мәчеттә гарәп телен өйрәнә. Завод җитәкчелеген һәм бергә эшләгән профилакторий коллективын зур хөрмәт белән искә ала. Бу турыда бүләкләр "уңышы" сөйли - күпсанлы ведомство грамоталары, "Хезмәт ветераны" һәм "Россия химия промышленносте профсоюзларының 100 еллыгына" медальләре.

Фәүзия Миргалимовнаның иң зур бәхете - әнисе, аңа 101 яшь тулган. Гасырлык гомерле булса да ул әле дә үз аңында, йорт эшләренең күбесен үзе башкара. Фәүзия ханымны шатландырган тагын бер нәрсә, өч туганы һәм килененең аның юлын сайлаулары. Язмабыз героеның күбесе мөселман традицияләрендә, ислам диненә мәхәббәт белән тәрбияләнгәннәр һәм нинди милләт һәм дин тотуына карамастан һәр кешегә хөрмәт белән карыйлар.