«Чылбырлы реакция»гә теркәлү башланды

– Без Россиянең дүрт шәһәрен: Мәләвез, Менделеевск, Кемерово һәм Ангарскны берләштерәчәкбез, – дип билгеләп үтте Роберт Искәндәров. – Химиклар көненә багышланган йөгереш Бөтенроссия масштабында, «забег.рф» белән берлектә узачак. Узган ел «Саулык» үзәге пенсионерлары һәм ветераннары өчен бер ярым миллион сумнан артык акча җыелган иде. Быел катнашучылар саны буенча рекорд көтәбез һәм нәтиҗәне яхшыртырга өметләнәбез.