«Матур караш»: ничек булды

«Тын Таулар»да гаилә фейерверкы
Яр буендагы җылы июль киче гаилә бәйләнешләрен һәм ихлас эмоцияләрне кадерләүчеләр өчен чын тарту үзәгенә әверелде. Монда киң күләмдә «Матур караш» фестивале уздырылды, ул йөзләгән кунакны җыйды. Гаилә, мәхәббәт һәм тугрылык көненә багышланган чара матур ярны шаулы, шатлыклы һәм чыннан да тылсымлы шәһәрчеккә әверелдерде, монда һәркем үзенә ошаган шөгыль тапты.
Фестиваль «Атмосфера» гөмбәзе командасының грант конкурсында җиңүе аркасында узды. Татарстан Рәисе Рөстәм Миңнеханов ярдәмендә гамәлгә ашырылган «Күрше» проекты шәһәрлеләргә һәм кунакларга онытылмас кич бүләк итте. Бәйрәмнең беренче минутларыннан ук мәйдан көйләр белән тулды: татар диджей-сеты бәйрәмгә ритм бирде, алып баручылар – «Атмосфера» хезмәткәрләре Гөлнара Данилова, Айгөл Мусина һәм яшь Әминә кунакларны яктыча чакырдылар, ә эңгер-меңгер төшкәч, тамашачыларны ачык һавада зур экранда «Әпипә» фильмының төнге күрсәтүе көтте.

Мәдәният дөньясына чуму һәм иҗат шатлыгы
Фестивальгә «Матур.Арт» локациясе аерым колорит өстәде. Татар һөнәрләре буенча мастер-класслар кунакларга үз куллары белән кечкенә шедеврлар төзеп, милли мәдәният чыганакларына кагылырга мөмкинлек бирде. Иң кечкенә катнашучылар өчен «Уен» инклюзив мәйданчыгы эшләде – гигант сабын күбекләре шоуы балаларда шатлык тудырды, ә күбектәге кояш яктысы һавада бәйрәм салюты кабызгандай иде.
Ләкин яр буе бары тик моның белән генә истә калмады. Кунаклар өчен зур ярминкә оештырылды: үзмәшгульләр осталар үз эшләрен тәкъдим иттеләр, ә «Түгәрәк өстәл» фудкортында хуш исле чәй белән традицион ризыклар ашап була иде. Бәйрәм һәр детальдә кайнады: кемдер кызып гаилә волейболы уйнады, сапларда йөзеп Кама күренешеннән рәхәтләнде, башкалар шахмат партияләре өстендә баш ватты. Атмосфера яктылык һәм шатлык белән тулды: һәрьякта көлке яңгырады, балалар йөзендә аквагримның якты рәсемнәре балкыды, ә урам рәссамнары шундур портретлар төзеделәр. Аерым йөзек кашы булып бушлай туңдырма – һәркемгә ошаган татлы сюрприз булды.

Рәсми котлау һәм бүләкләү
Шәһәрлеләргә һәм кунакларга җылы котлау сүзләре белән район башлыгы Роберт Искәндәров мөрәҗәгать итте. Ул гаилә – төп терәк һәм иң зур кыйммәт, ә «Матур караш» кебек чаралар буыннар арасындагы бәйләнешне ныгытырга һәм өй җылысының әһәмиятен искә төшерергә ярдәм итүен ассызыклады.
– Хөрмәтле мендееевлылар! Гаилә, мәхәббәт һәм тугрылык көне белән! Мәхәббәт, гармония һәм иминлек телим! Тормышта иң мөһиме – гаилә, – дип ассызыклады Роберт Ринатович.
Тантаналы шартларда Р. Искәндәров, лаеклы буын тәрбияләүгә керткән өлешләрен билгеләп, күп балалы Нуриевлар һәм Мироновлар гаиләләренә Рәхмәт хатларын тапшырды. «Атмосфера» гөмбәзе командасы Искәндәровлар гаиләсен район тормышында актив катнашкулары һәм гаилә кыйммәтләрен ныгытуга зур өлеш кертүләре өчен Рәхмәт хаты белән билгеләде. Шулай ук «Аммоний» АҖ хезмәткәрләре гаиләләрнең фотосурәт күргәзмәсен тәкъдим иттеләр һәм Гаилә, мәхәббәт һәм тугрылык көненә багышланган фотоконкурс җиңүчеләрен бүләкләделәр.

«Матур караш» үз исемен аклады
Фестивальнең «Матур караш» дигән исеме үзен тулысынча аклады. Бу кич бергә җыюның, бер-береңне хуплап торуның һәм туган куллар җылысын кадерләүнең мөһимлеген искә төшерде. Фестиваль гаилә бәйрәме – бу традицияләр, заманчалык һәм якыннарыңа чиксез мәхәббәт үрелеп, чын эмоцияләр фейерверкы икәнен дәлилләде.
– Искиткеч кич өчен рәхмәт, Менделеевск. Сезнең җавабыгыз – гөмбәз командасы өчен иң яхшы бүләк. Аншлаг һәм бәхетле йөзләр – нәкъ менә моның өчен без тырыштык, – дип уртаклашты «Атмосфера» директоры Миләүшә Канипова һәм гөмбәз командасы.