Менделеевскида Бөек Ватан сугышында катнашучы Билал Вәлиев белән хушлаштылар

Хушлашу мәрәсиме Билал Җәләлович яшәгән Хезмәт урамындагы йорт ишегалдында узды.
Район башлыгы исеменнән аның урынбасары Ләйсән Галеева чыгыш ясады. Б.Вәлиевның Ватанга намуслы хезмәт итүен, ватанпәрвәрлек үрнәге булуын, Ислам кануннарын хөрмәт итүен билгеләп үтте.
Кайгы уртаклашу сүзләрен хәрби комиссар Сергей Залуженко, Иҗтимагый совет рәисе Сәлим Хәбибуллин, Эчке эшләр министрлыгы бүлеге һәм колония вәкилләре белдерделәр.
Ветеранның исеме менделеевлылар күңелендә мәңге яшәячәк.