Радмир Беляев менделеевлыларны шәһәрдә беренче татар гимназиясе ачылу белән котлады

Менделеевскида капиталь ремонттан соң «Мирас»татар гимназиясе ачылды. 1987 елда бу бина балалар бакчасы буларак проектлана һәм төзелә, ләкин соңыннан, 1993 елда, татар гимназиясе статусын ала.

Радмир Беляев республика җитәкчелегенә, төзүчеләргә һәм барлык педагогик составка үз һөнәренә карата түземлеге һәм яратуы өчен рәхмәт сүзләрен җиткерде.

- Республика Рәисенә, Рөстәм Миңнехановка ярдәм иткәне, гимназия төзелешенә акча бүлеп биргәне өчен рәхмәт. Укучыларга һәм барлык педагогларга «Мирас»татар гимназиясенең яңа бинасында уңышлар һәм яңа казанышлар телим.