Авылдашлар җыелганда

Тоймалылар Хатын-кызлар бәйрәмен үзенчәлекле чара белән билгеләделәр.
Иганәче район Советы һәм авыл депутаты Назыймулла Әхмәтов ярдәмендә әзерләнгән чәй табыны артында очрашкан көн геройлары изге теләкләр, бүләккә үзешчәннәрдән отышлы концерт номерлары кабул иттеләр. Ял кичәсен әзерләп уздыруда мәдәният йорты директоры Мәрфуга Сираева һәм аккомпаниатор Айрат Мөбарәкшин зур көч куйганнар. Тойма үзешчәннәре Камай тамашачыларына да бәйрәм концерты күрсәттеләр. Җыелганнарны конкурсларда, уеннарда да катнаштырып сынадылар.