Бәзәкәдә актив ял өчен урын барлыкка килде

Тантаналы чарада район башлыгы Роберт Искәндәров, Ростехнадзор Идел буе идарәсе җитәкчесе урынбасары Әлфир Идиятуллин, Бәзәкә җирлеге башлыгы Илмир Кашафетдинов, шулай ук авыл халкы һәм кунаклар катнашты.

Заманча спорт объектының барлыкка килүе авылның инициатив халкының ПАО «Татнефть» социаль проектлар грант бәйгесендә җиңүе аркасында мөмкин булды. Проектны гамәлгә ашыруга 4,8 млн. сум юнәлдерелде.

Мәйданчыкта төрле яшьтәге балалар өчен билгеләнгән уннан артык сертификацияләнгән җиһаз заманча урнаштырылды. Хәзер бәзәкәлеләрнең 50 дән артык яшь халкы даими рәвештә спорт белән шөгыльләнә, сәламәтлекләрен ныгыта һәм буш вакытларын актив һәм файдалы үткәрә алачак.

Авыл халкына мөрәҗәгать итеп, Роберт Искәндәров мәйданчыкның Белем көнендә ачылуы аеруча символик икәнен билгеләде.

– Уңышлы уку – бу бары тик дәреслекләр һәм алынган белемнәр генә түгел. Нык сәламәтлек һәм физик активлык безнең балаларга яхшы укырга, дәресләрдә игътибарны сакларга һәм көчле булып үсәргә көч бирә.

Шулай ук җыелганнарга Әлфир Идиятуллин һәм Илмир Кашафетдинов мөрәҗәгать иттеләр. Район башлыгы ПАО «Татнефть»кә авыл территорияләрен хуплаганы өчен, шулай ук Бәзәкәнең инициатив халкына грант бәйгесендә җиңүгә ирешергә ярдәм иткәннәре өчен рәхмәт белдерде.

Яңа мәйданчык балалар һәм яшүсмерләрнең актив ял итү, спорт белән шөгыльләнү һәм аралашу өчен тагын бер урын булачак. Шунысын да билгеләп китик, мәйданчыкны булдыру «Россиядә спорт» дәүләт программасының спортны популярлаштыруга һәм халыкның тормыш сыйфатын яхшыртуга юнәлдерелгән бурычларына туры килә.