Менделеевск районында авыл көннәре башланды

Монай авылы көненә җыелганнарны район башлыгы урынбасары Ләйсән Галиева һәм җирлек башлыгы Руслан Кириллов тәбрикләде.

Традиция буенча бу көнне юбилярларны, авыл картларын, яңа туган сабыйларны, беренче сыйныфка баручыларны, «Гөлбакча 2023» бәйгесе җиңүчеләрен һәм башкаларны зурладылар. 

Бәйрәмне Флера Халикова һәм Екатерина Понаморева (Тат. Челны), Эльвира Микеева (Менделеевск) чыгышлары бизәде.

Бәйрәмнең алыштыргысыз өлеше — керәшен ызбасы бизәлеше. Монда борынгы йорт кирәк-яракларын һәм милли киемнәрне күреп булды. Кунаклар Махсус фотозонада истәлеккә фотога төштеләр һәм «Арба узышы», «Мунча», «Тоннель» кебек ярышларда катнаштылар.