Район җирлекләрендә 9 Май көненә лаеклы әзерләнделәр

Менделеевск районы җирлекләрендә Җиңү көненә лаеклы әзерләнделәр, дип хәбәр итә муниципалитет сайты. 

Татар Чаллысы авыл җирлегендә яңа Хәтер һәм Дан аллеясы барлыкка килде, Акътәҗектә Сугышчы- коткаручы һәйкәле реконструкцияләнде, Яңа Кокшанда Билгесез солдатка һәйкәл урнаштырылды. Ык Тамагында Хәтер дивары булдырылды, Абалач урамнарын яңа баннерлар бизи. Ижевканы ветераннар һәм тыл хезмәтчәннәре истәлегенә утлы стелла бизи.