Валерий Чершинцев Менделеевск районы хуҗалыкларында булды

Р. Габдрахманов эшчәнлеген Тихоново авыл җирлеге территориясендә алып бара. 1 августка хуҗалыкта 1260 баш дуңгыз исәпләнә, быелның җиде аенда үрчем 505 баш тәшкил итә. Барлыгы 1121 центнер дуңгыз ите җитештерелгән, тере авырлыкта 1322 центнер дуңгыз сатылган.

Хуҗалык җитәкчесе сүзләренчә, агымдагы елның көзендә дуңгызларны симертү өчен тагын бер корпусны сафка бастыру күздә тотыла.

Валерий Чершинцев Смирнов КФХ сында 600 баш мөгезле эре терлеккә исәпләнгән яңа ферма һәм 1500 тонна бөртеклеләр саклау өчен ашлык склады төзү барышы белән танышты.