Алиса Миронова «Zavodчанка-2022» бәйесендә җиңде

Анда химия предприятиесенең сигез гүзәл хезмәткәре катнашты. Конкурсантлар сынауларны өч этапта уздылар: «визитка», «иҗади номер» һәм «әңгәмә». Һәркем үзе, гаиләсе, мавыгулары һәм яраткан предприятиесе турында сөйләде. Катнашучылар шулай ук иҗади сәләтләрен күрсәттеләр: биеделәр, җырлар башкардылар, киндергә рәсем ясадылар. 
Бәйгенең өченче этабында кызлар алып баручының сорауларына җавап бирергә, шәһәр һәм завод турында белемнәрен күрсәтергә тиеш булдылар. Һәм бу биремне алар яхшы үтәделәр. 
Ахырда мәртәбәле жюри һәр кызны лаеклы бәяләде, алар төрле номинацияләрдә дипломнар һәм акчалата бүләкләр алдылар. 
Конкурсның җиңүчесе һәм «Zavodчанка-2022» титулы иясе Алиса Миронова булды. Ул диплом һәм 25 мең сумлык акчалата сертификат белән бүләкләнде.