Файдалы киңәшләр: "Петуния утырту серләре"

Петуния – берьеллык үсемлек. Ул вазоннарда, түтәлләрдә бакча бизәге. Петунияләрне апрель аенда чәчсәк, ул июльгә чәчәк атачак. 

− Мин орлыкларны карга чәчәм, тирәнгә түгел, лотокның өстен плёнка белән каплыйм һәм өч тәүлеккә якты урынга куям. Аннан соң утны көндезен генә кабызам, төнгелеккә сүндерәм. Әгәр дә сезнең махсус лампагыз юк икән, ул вакытта гадәти яктырткыч куллана аласыз. 

Гадәттә, орлыклар яхшы чыгалар, 5-8 нче тәүлеккә күренә башлыйлар, сары петуния генә озак баш калкыта, − дип хәбәр итә Ю. Камалиева. 
Якынча бер ай узганнан соң үсентеләрне аерым ячейкаларга утыртырга кирәк, петунияләргә тыгыз утыру ошамый. Иң мөһиме, ул кискәләп торуны ярата, җәй буена корыган чәчәкләрен җыеп алырга кирәк, шул вакытта петуния чәчәкләре сезон дәвамында сезне сөендерәчәк. 

Фото-превью: pexels.com