Татарстанда алма, шикәр, май, балык һәм икмәк бәяләре төшкән

Татарстанстат вәкилләре сату үзәкләрендәге һәм базарлардагы бәяләргә күз салганнар.

Алар, узган атна эчендә, помидор, кыяр, йомырка һәм банан бәяләре күтәрелүен билгеләгәннәр. Помидорның бәясе элекегесеннән 7%ка зуррак. Бер килограм кыярга хәзер уртача 86 сум түләргә кирәк, ә йомырканың дистәсенә 70 сум. Бананнар килограммы 82 сум.

Шулай ук дөге, сыер ите, сөт, карбодай ярмасның бәяләре күтәрелгән.

Ә менә «борщ җыелмасы» — бәрәңге, кәбестә, кишер, кызыл чөгендер һәм суган бу вакыт эчендә очсызлана төшкән. Шулай ук алма, шикәр, май, балык һәм икмәккә дә бәяләр кимегән.