Балалар сәнгать мәктәбендә Белем көне узды

Анда яңа уку елын оештыру буенча сөйләштеләр, шулай ук пандемия чорында куркынычсызлык чараларын үтәргә кирәклеге искә төшерелде.

Котлау сәламе белән чараның кунагы, Мәдәният идарәсе начальнигы Екатерина Шиһапова чыгыш ясады. Ул балаларны, ата-аналарны, укытучыларны яңа уку елы белән котлады. Җыелганнарны шулай ук Балалар сәнгать мәктәбе директоры Алия Абрамова тәбрикләде, укуда һәм иҗатта уңышлар теләде.

Тамашачыны концерт номерлары белән Елизовета Ожиганова һәм Алия Мөбәракшина шатландырдылар.