2 нче мәктәптә Кырымның Россия белән кушылуы хөрмәтенә дәрес үткәрелде

Чараның кунаклары – хәрби комиссар Сергей Залуженко, ветераннарның җирле иҗтимагый оешмасы рәисе Лариса Кривилёва, ветераннар Советының экс-рәисе Любовь Сорокина, «Поселок» ТИС һәм Әфганстан сугышы ветераннары һәм инвалидлары Советы рәисләре Екатерина Кузнецова һәм Сергей Поспелов, сугышчы-интернационалистларның әниләре Раиса Куршакова, Любовь Рябова, автор-башкаручы Дмитрий Лахтин. 

Тарих һәм җәмгыять белеме укытучысы Олеся Миронова Кырым ярымутравы тарихы, төрле вакытларда анда күченгән халыклар турында сөйләде. 
– Кырым ярымутравына тарихи экскурсның төп фикере Кырымны Россия белән нинди тарихи җеп бәйләвен, батырлык һәм данлыкның гомум битләрен күрсәтү иде, – диде ул. 
Рус теле һәм әдәбияты укытучысы Ирина Җиһаншина кунакларның барысына да сораулар бирде, Кырымдагы вакыйгалар турындагы әңгәмәне куертты. 

Хәрби комиссар Сергей Залуженко билгеләвенчә, 2014 елның 18 мартындагы вакыйгалар – безнең тарихта мөһим рубеж. Аны атлап чыгып, милли бердәмлекә гигант адым ясадык. Сергей Викторович укучыларны, аеруча яшь армиячеләрне Ватаныбызның чын патриотлары булырга өндәде. 
Чара барышында алып баручылар шигырьләр сөйләделәр, 10-11 сыйныфларның «Кызлар» укучылар төркеме (Ксения Япаева, Ксения Бекбутаева, Дарья Кормильцева) «Россия», «Севастопольский вальс» җырларын башкардылар. Шулай ук «Вперёд, Россия», «Офицеры» исемле патриотик җырлар белән Дмитрий Лахтин чыгыш ясады.