«Дуслык» мәктәп яны лагеренда тәрбияләнүчеләр үз тамырларын өйрәнде һәм полиция эш көннәрен карады

Көннең беренче яртысында туган мәдәниятне һәм телне өйрәнүгә багышланды. Лагерьда «Үз тамырларыңны беләсеңме?» дигән танып-белү викторинасы узды. Балалар ата-баба тарихы, гореф-гадәтләре һәм йолалары турындагы сорауларга бик бирелеп җавап бирделәр, викторинадан соң ук балалар татар теле буенча практик дәресләргә күчтеләр. Алар катлаулы биремнәрне уңышлы үтәделәр, шуларның иң мөһиме сүз ясалышына анализ булды. Балалар сүзне составлары буенча тикшерделәр, тамырларын таптылар һәм кисәкчәләр ярдәмендә яңа сузләр ничек барлыкка килүен өйрәнделәр. Мондый дәресләр туган сөйләмнең структурасын һәм байлыгын тирәнрәк аңларга ярдәм итә.

Көн дәвамында Россия Эчке эшләр министрлыгының Менделеев районы бүлегенә кызыклы экскурсия булды. Полиция хезмәткәрләре балаларны җылы каршы алды һәм аларны төп бүлекчәләр буенча үткәрде.

Балаларга дежур частьнең бурычлары, тикшерүчеләр, криминалистлар һәм балигъ булмаганнар эшләре буенча инспекторлар эше турында сөйләделәр. Шулай ук, экипировка элементларын, кораллануда торучы заманча техник чараларны һәм патруль автомобильләрен күрсәттеләр. Полиция хезмәткәрләре балаларга җәйге каникуллар чорында урамда куркынычсыз тәртип кагыйдәләре һәм законнарны үтәүнең мөһимлеге турында искә төшерде.

«Дуслык» лагеренда көн хәтердә калырлык кына түгел, балаларга белем дәрәҗәсен киңәйтергә, тел белемен ныгытырга һәм хокук тәртибен саклаучыларның мөһим һөнәрләре турында күбрәк белергә ярдәм итте.