Интеллектуаль ярышта нәниләр

Яр Чаллыда узган регионара "РостОК" сәләтле балаларны ачыклау ярышында "Сандугачым" балалар бакчасының өлкән төркеменә йөрүчеләр көч сынашты.
Биш бала уен күнегүләре формасында биремнәр чиште. Турнир нәтиҗәләре буенча Элдар Кашапов өченче урынга чыкты. Әдил Галиев, Алинә Шәрипова, Илья Рыбин, Элина Мөхәмәдиевага катнашучы сертификатлары тапшырылды.
Бәйгегә нәниләрне әзерләгән педагоглар Галина Тарасова, Фәридә Нәҗипова - дипломнар, учреждение мөдире Эльмира Гыйльфанова, өлкән тәрбияче Гүзәлия Фәттахова рәхмәт хатлары белән билгеләнделәр.