Сәламәтлек мөмкинлекләре чикле балалар өчен мәктәптә шундый исемдәге концерт белән инвалидлар декадасы төгәлләнде.
Артистлар әзерләнгән арада тамашачы кул эшләре күргәзмәсе белән танышты.
– Улым Дмитрий җиденче сыйныфта укый, кызым Мария – биштә. Алар мәктәп һәм БИҮ оештырган төрле түгәрәкләргә йөриләр. Концертта кызым сыйныфташлары белән бергә җырлаячак. Күргәзмәдә «Тегермән» кул эше тәкъдим ителгән, аны әзерләгәндә кызым да катнашты, – дип фикерләре белән уртаклаша Татьяна Коновалова.
– Халыкара инвалидлар көне – календарьдә үзенчәлекле дата. Әлеге көн кешеләргә игелек эшләргә, ярдәм күрсәтергә чакыра, – ди башкарма комитет җитәкчесе урынбасары Айдар Сәфәргалин.
Бу көнне укучылар һәм укытучылар күптөрле музыкаль сәләтләрен, балалар һәм өлкәннәрнең бердәмлеген һәм татулыгын күрсәттеләр.
Нет комментариев