Менделеевски балалар бакчасында нәфис сүз бәйгесе үтте

7 нче «Алтын балык» балалар бакчасында, Татар китапханәсе белән берлектә, нәфис сүз бәйгесе үткәрелде. Чарада өлкән һәм мәктәпкә әзерлек төркеменә йөрүче балалар катнашты. Китапханәче Гөлназ Хафизова балаларга Муса Җәлилнең тормыш юлы, батырлыгы турында сөйләде, «Моабит дәфтәрләре» белән таныштырды. Балалар сәнгатьле итеп татар һәм рус телләрендә шигырьләр сөйләделәр. Бәйгедә катнашучылар Дипломнар белән бүләкләнде.