Менделеевскида ата-аналар Бердәм дәүләт имтиханын бирделәр
Беренче мәктәптә әти-әниләр тарих буенча БДИ бирделәр. Имтиханга алар паспорт, ручка, эчәргә су гына алып керделәр. Күчерергә мөмкинлек булмады, барысы да видеокамераларда теркәлде.
Ата-аналарга тарихи вакыйгаларны, мөһим даталарны искә төшерергә, карта яисә сызымнар белән эшләргә, Россия тарихы чорыннан инша язарга кирәк була. Рәсми өлештән соң ата-аналар үзара фикер алыштылар, сорауларына җаваплар алдылар, балаларына ярдәм итү өчен укытучыларның киңәшләрен тыңладылар.
Дүрт бала әтисе Александр Җамалетдиновка биремнәр катлаулы тоелмады, ләкин бланкларны тутыруда авырлыклар булды.
− Улым Эдуард агымдагы елда мәктәпне тәмамлый, ул БДИ тапшырачак. БДИнең куркыныч түгеллеге турында улыма һичшиксез әйтәчәкмен, иң мөһиме – каушамаска һәм барлык кагыйдәләрне дә үтәргә кирәк, – дип фикерләре белән уртаклашты А.Җамалетдинов.
Следите за самым важным и интересным в Telegram-каналеТатмедиа
Нет комментариев