Менделеевскида мөмкинлекләре чикле балалар өчен эстафета уены уздырылды

Сәламәтлек мөмкинлекләре чикле балалар өчен эстафета уены «Хәрәкәт кагыйдәләренә – хөрмәт» исемле чара юл йөрү кагыйдәләрен белүгә багышланды.
Балалар ике командага бүленделәр һәм төрле биремнәрне үтәделәр: «Светофор», «Сүзне җый», «Юл билгесен яса». Уеннар юлларда иминлек кагыйдәләрен кабатлауга юнәлдерелде. Ахырда район буенча «Юл хәрәкәте куркынычсызлыгы» ДБУ профилактика бүлеге начальнигы Мәликә Халикулова балаларга юл йөрү кагыйдәләрен белергә һәм үтәргә, тәүлекнең караңгы вакытында яктылыкны кире кайтаручы элементлар йөртергә кирәклеген әйтте.