Туган телләр һәм халыклар бердәмлеге көне уңаеннан 1 нче мәктәпнең туган тел һәм әдәбият укытучылары Алсу Ганиева һәм Алсу Кәримова «Телләр белгән – илләр белгән» исемле чара үткәрделәр.
Бу турыда 1 нче мәктәптән хәбәр итәләр. Чара башында укытучылар укучыларны татар, рус, үзбәк, мари, удмурт, әзербайҗан телләрендә сәламләделәр. Алып баручылар балаларга телләр белүнең әһәмияте турында сөйләделәр, ана теле – халыкның характеры, аның хәтере, тарихы булуын әйттеләр. 3-5-сыйныфлар укучылары татар һәм рус телләрендә «И туган тел», «Туган як», «Әссәламәгаләйкем» җырларын, 5 Б, В сыйныфы укучылары татар биюен башкардылар. Ахырда укучылар Татарстан республиксының танылган әһелләре турында видеоматериал демонстрацияләделәр.
Нет комментариев