Татарстан мөфтиенең рәсми органнар белән эшләү буенча урынбасары Илфар хәзрәт Хәсәнов быел Рамазан аенда тәравих намазының санитар-эпидемиологик вазгыятьне күз уңында тотып укылачагын әйтте.
Бу турыда «Татар-информ» хәбәр итә.
— Быел мәчетләр ачык була. Әмма барлык санитар-эпидемиологик таләпләрне үтәргә кирәк. Мәчетләрдә социаль дистанция сакланачак. Сулыш органнарын саклау өчен битлекләр куллану мөһим, — диде ул.
Быел Рамазан ае 13 апрельдә башлана. Беренче тәравих намазы 12 апрель көнне Ястү намазыннан соң укыла. Гает намазы 13 майда булачак.
Нет комментариев