«Кама таңнары» социаль приютында «Минем ватаным - Татарстан Республикасы» исемле танып белү сәгате үтте

Татарстан Респубикасы көне алдыннан «Кама таңнары» социаль приютында педагоглар Т.Чернова һәм А.Җамалетдинова «Минем ватаным - Татарстан Республикасы» исемле танып белү сәгате үткәрделәр. 

Балалар республикабызның башкаласы, ЮНЕСКО исемелегенә кертелгән туган якның күренекле урыннары турында искә төшерделәр: Казан кремле, Бөек Болгар һәм Свияжски утравындагы Успенски монастыре комплексын. 

Тәрбиячеләр безнең республиканың сәнәгать, авыл хуҗалыгы, фән һәм мәдәният өлкәсендәге уңышлары турында сөйләделәр. Балалар укытучылары белән бергә әлеге чарага йомгак ясадылар: Ватаныбыз елдан-ел үсештә, чәчәк ата һәм барлык өлкәләрдә дә алга бара, ә безнең бурыч – аның байлыгын һәм матурлыгын саклау һәм арттыру.