«Кама таңы» балалар йортында тәрбияләнүчеләр янына кунаклар килде

«Кама таңы» балалар йортында яңа уку елы башлануга багышланган чара узды.Бәйрәм Казан һәм Менделеевск шәһәрләре суд приставлары хезмәте ярдәмендә оештырылды. 
Сабыйлар һәм түбән сыныф укучылары яныны иптәшләре Лол курчагы һәм куян белән әкияти пони Пинки-пай һәм Күпбелер пират килделәр. Балалар яраткан геройлары һәм дәүләт структурасыннан килгән кунаклар белән бергә аркан тартыштылар, көмеш яңгыр асында күңел ачтылар, тылсымлы яулык астына качтылар һәм биеделәр. Сабын куыклары шоуы программаның йөзек кашы булды. Балалар аларны шартлатып уйнадылар.