Һәлакәтләр булмасын

Юл һәлакәте корбаннарын искә алу көне уңаеннан шәһәрдә акция оештырылды.
Аның барышында ЮХИДИ хезмәткәрләре Сергей Сырышев, Айрат Гасыймов беренче гимназиянең яшь инспекторлары белән рейд уздырдылар. Махсус жилетлар һәм беләзекләр кигән укучылар полиция хезмәткәрләре белән юлда кизү тордылар. Шәкертләр машина йөртүчеләрне игътибарлы булырга һәм юл йөрү кагыйдәләрен үтәргә чакырдылар. Көтелмәгән хәлләрне кисәтү һәм бәлане булдырмый калу нияте белән һәр шофёрга буклетлар, белешмәләр өләштеләр һәм хәерле юл теләделәр.