Менделеевлылар Әдәбият елын ачты

автор, 13 февраль 2015 - 08:18

1736

"Бар нәрсәнең асылына төшенәсем килә..." Бу юллар Борис Пастернакның тууының 125 еллыгына багышланган әдәби-музыкаль кичәнең эпиграфы булды. Ольга Смолькова Бу чара Менделеевскида Әдәбият елын ачты. Аны район башкарма комитеты һәм Халыклар дуслыгы йорты оештырды. Алып баручы Ольга Первина кичәдә катнашучыларны шагыйрьнең биографиясе, аның яшәеш принциплары, фәлсәфи карашлары белән таныштырды. Булачак...

"Бар нәрсәнең асылына төшенәсем килә..." Бу юллар Борис Пастернакның тууының 125 еллыгына багышланган әдәби-музыкаль кичәнең эпиграфы булды.

Ольга Смолькова

Бу чара Менделеевскида Әдәбият елын ачты. Аны район башкарма комитеты һәм Халыклар дуслыгы йорты оештырды.

Алып баручы Ольга Первина кичәдә катнашучыларны шагыйрьнең биографиясе, аның яшәеш принциплары, фәлсәфи карашлары белән таныштырды.

Булачак Нобель премиясе лауреатының Бондюг белән бәйле чоры турында Карпов исемендәге химия заводы музее директоры Наталья Потапова сөйләде. Химзаводның хәрби-исәп өстәлен җитәкләгән шагыйрь Бондюгны Англия Манчестеры дип атый.

- Тормышының бу дәвере Борис Леонидович өчен хәлиткеч була, - дип билгеләп үтте Наталья Римовна. - Нәкъ менә биредә ул үзен шигърияткә багышларга карар кыла. Заводлылар шагыйрь турында истәлекләрне кадерләп саклыйлар.

Илсөяр Гобәйдуллина Б.Пастернакның тормышын һәм иҗатын өйрәнүгә күп елларын багышлаган.

- Без дөньяга ни өчен туганбыз? Бу һәм башка күп сорауларга җавапны Пастернак поэзиясеннән һәм прозасыннан табарга була, - диде Илсөяр Хәбибулловна. - Юкка гына язучы Шаламов аны безнең чорның намусы дип атамаган.

Бу көнне сәхнәдә Пастернак, Цветаева, Маяковский шигырьләре яңгырады. Аларны шәһәр мәктәпләре укучылары укыды. Лира Улько, Клара Галләмова, Марина Комарова, Радик Ахунҗанов башкарган җырлар һәм романслар кичәне бизәде.

Пермьнән килгән журналист Ирина Артемьева кичәнең кунагы булды, алар ире белән бергә күп еллар дәвамында шагыйрьнең иҗатын өйрәнәләр, безнең һәм чит илләрдә популярлаштыралар.

- Башка төбәкләрдән аермалы буларак, Менделеевскида Пастернакка үзенчәлекле мөнәсәбәт, - диде ул.

- Һәм бу самими ярату сокландыра. Сезнең шәһәрегез, Илсөяр Хәбибулловнаның энергиясе илһамландыра, яңа идеяләр бирә. Шагыйрьгә мәхәббәт - ул сүзләрдә генә түгел, эшләрдә дә.

Район башкарма комитеты җитәкчесе урынбасары Константин Макаров, ТР Дәүләт Советы депутаты ярдәмчесе Рөстәм Гафаров менделеевлыларны мәдәни тормышта мөһим вакыйга - Әдәбият елы ачылу белән котладылар.

Чарада катнашучылар нәфис фильмнардан өзекләр карадылар, Борис Леонидовичның язмадагы тавышын ишеттеләр. Тамашачы текстын туган якны өйрәнү музееның беренче директоры Виктор Соловьёв укыган "Төнге завод" видеофильмын аеруча хисләнеп карады.

- Балаларның шигырь укуы шатландыра, - дип билгеләп үтте шагыйрь, "Аргамак" журналы редакторы Николай Алешков, - димәк, күңелләре рухи кыйммәтләргә омтыла, бу яңарыш күрсәткече.

Кунаклар арасында ветераннар, мәктәп укучылары, педагоглар, иҗади интеллигенция вәкилләре булды. Без аларның тәэсирләре турында сораштык.

Илсөяр Гыймазетдинова, 2 нче мәктәп укытучысы:

- Кичә бик ошады, бигрәк тә балалар башкаруында шигырьләр. Анда безнең укучылар да бар. Шигырьне үзләре сайладылар. Шагыйрь иҗаты белән танышу 8 нче сыйныфтан башлана. Пастернак поэзиясен яхшы кабул итәләр. 11 нче сыйныф программасында "Доктор Живаго" романы белән танышабыз. Шулай да ул өлгергән укучы өчен язылган.

Елена Степанова:

- Уйланулар өчен азык һәм тәэсирләр алдым, алар озак онытылмас.

Үзәк китапханә әзерләгән китап күргәзмәсе һәм БСМ шәкертләренең Пастернак әсәрләре буенча ясаган рәсемнәре кичәгә органик өстәмә булды.

Следите за самым важным и интересным в Telegram-каналеТатмедиа