Менделеевлыларга Качмануда куркынычсызлык кагыйдәләрен искәрттеләр

Ел саен куркынычсызлык чараларын үтәү – йоланы үткәрүнең төп пунктларының берсе булып кала. Шулай итеп, бәхетсезлекне булдырмас өчен, Россия гадәттән тыш хәлләр министрлыгы хезмәткәрләре куркынычсызлык кагыйдәләре белән бүлештеләр.
Куркынычсызлыкның иң төп кагыйдәсе-моның өчен махсус билгеләнгән урыннарда коену.

Исегезгә төшерәбез, Менделеевск районында ул «Ушков утраулары» паркында оештырылачак. Монда суга керү җиһазландырылган һәм гадәттән тыш хәлләр министрлыгы, полиция һәм ашыгыч ярдәм хезмәткәрләре кизү торачак.

Суга кергәндә түбәндәге кагыйдәләрне белергә һәм үтәргә кирәк:
- алкогольле эчемлекләр кулланмагыз;
- суга керер алдыннан, тәнне язырга, җылытырга кирәк;
- бәкегә кергәндә сак булыгыз, таймый торган, кияргә һәм салырга уңайлы аяк киеме киегез;
- юеш кулларның тоткычларга ябышуын кисәтү өчен, анда алдан әзерләнгән сөлге куегыз, чыкканда шуңа тотынып менесәгез уңайлы булыр;
- Табиблар баш мие кан тамырларын рефлектор рәвештә кысылмасыннар өчен суга муенга кадәр генә керергә киңәш итәләр;
- Беркайчан да бәкегә чуммагыз. Суга сикерү һәм башыгыз белән суга чуму бәла белән тәмамлануы бар. Бу вакытта тәннең температура югалтуы арта, кешедә температура шогы һәм су астында ориентация югалуы булырга мөмкин;
- суга кергәч, кирәкле тирәнлеккә тизрәк җитегез, йөзмәгез;
- бәкедә бер минуттан артык тору организмның гомуми гипотермиясе белән янарга мөмкин;
- балаларны күзәтүсез калдырмагыз һәм аларның коенуларына олылар катнашыннан башка юл куймагыз;
- бәкедән саклык белән чыгыгыз, егылудан һәм җәрәхәтләрдән сакланыгыз, сөлге белән сөртегез һәм коры кием киегез;
- су коенганнан соң кайнар чәй эчү организмга нормага килергә һәм җылынырга ярдәм итәчәк.

Бозлы суда алдан әзерләнгән кешеләргә генә коенырга киңәш ителә.

Онытмагыз, бозлы суга чуму йөрәк-кан тамырлары системасы авыруларыннан, коронар йөрәк авыруларыннан һәм миокард инфарктын кичергән кешеләргә киске тыела.