Менделеевск районы оешмалары арасындагы спартакиадада беренче җиңүләр

Ярышлар узган ял көннәрендә «Нептун» бассейнында йөзү буенча узды. Анда сигез команда катнашты. Өченче урынны Яшьләр һәм спорт идарәсе командасы яулады, икенчене Мәгариф идарәсе һәм беренче урынга «Аммоний» АҖ командасы лаек булды. 
Ярышлар унбер спорт төре буенча үткәреләчәк. Гомумкоманда зачетында беренче-өченче урыннарны яулаган командалар тиешле дәрәҗәдәге дипломнар һәм кубоклар, сертификатлар белән бүләкләнәчәкләр: беренче урын – 100 мең сум, икенче – 50 мең сум, өченче – 25 мең сум.