Автобус йөртүченең эше: – эчтән караш

38 ел стажы булган транспорт йөртүче үз һөнәренең нечкәлекләре турында сөйләде.

Унсигез яшеннән рульдә
– Абыйларым Иван һәм Володя үрнәгендә мин транспорт йөртергә карар иттем. 18 яшемнән АТПда эшләдем, икмәк ташыдым. Соңрак армиягә чакырдылар. 1981дән 1983 елга кадәр Приморск өлкәсендә Уссурийда хезмәт иттем, анда шофёр булдым, – дип сөйли В.Миронов.

Заводта транспорт йөртүче
Валентин Васильевич 1987 елда Яңаменделеевск химия заводында, хәзерге “Менделеевсказот”ҖЧҖнә урнашкан. 2000 ел башыннан автобуска утыра. Бүгенге көндә “Аммоний”га заводлыларны итә.

– Иртәнге 4:30да торам, эшкә барам, 5:00тә юлга кузгалабыз. Көненә дүртәр-бишәр рейс ясыйбыз. Эшебез физик яктан да, әхлакый яктан да катлаулы. Безгә юлны, пассажирларны күзәтергә кирәк. Маршрутка чыгар алдыннан һәрвакыт автобусның төзеклеген тикшерәбез. Юлда игътибарлы булырга кирәк, чөнки кеше тормышы өчен җаваплыбыз, – ди Валентин Васильевич.

Юлда куркынычсызлык нигезе
Валентин Мироновка 55 яшь. Шофер һөнәре аның өчен тормыш мәгънәсе. Транспорт йөртүгә мәхәббәт уллары Валентин һәм Андрейга да күчкән.

– Иң мөһиме руль артында тыныч һәм игътибарлы булырга кирәк. Пассажирлар белән елмаеп сөйләшсәң, алар да шулай ук җаваплаячак. Барлык транспорт йөртүчеләргә дә сәламәтлек, яшел утлар һәм юлларда иминлек, яхшы кәеф телим.