Ижёвка авылында яшәүче Тимербай Сафиуллин 95 яшен билгеләде

Сугыш вакытында якташыбызга тылда эшләргә туры килә. Ачлык һәм ялангачлыкны, сугыш чорының бар авырлыгын үз җилкәсендә татый. Сугыштан соң Польшада хезмәт итә. Бар тормышын транспорт йөртүче һөнәренә багышлый, АТПда пассажирлар йөртү буенча намуслы хезмәт куя. Изге күңелле һәм сабыр холыклы Тимербай Гайнатуллович үзен бәхетле кеше дип саный: аның өч баласы, өч оныгы һәм сигез оныкчыгы бар.
Район башлыгы исеменнән юбилярны Ижёвка җирлеге башлыгы Радиф Ясавиев котлады.