Камайда яшәүче Миннеасия Тимершина 90 яшен билгеләде

«Сугыш һәм сугыштан соңгы елларда язын басу-кырлардан туңган бәрәңге җыйдык, – дип искә ала ул. – Безне кумасалар, бу аеруча бәхет иде. Фронтка әти һәм абый киттеләр, бәхеткә әтиебез кайтты, абый һәлак булды».

М. Тимершина гомере буена сәүдә системасында эшли, райпо кибетеннән лаеклы ялга китә.

Аны бертуганының улы һәм аның гаиләсе тәрбияли.

Миннеасия Мингазетдинованы юбилее белән район башлыгы урынбасары Ләйсән Галеева, ветераннар Советы рәисе Любовь Сорокина һәм Камай җирлеге башлыгы Инзилә Әһлиева котладылар.