Монаш авылында яшәүче Нина Портнова 90 яшен билгеләде

«Сезгә Портновка дип исемләнгән үз авылыгызны булдырырга була, — диде котлау миссиясе белән килүче район башлыгы урынбасары Ләйсән Галеева. — Иркен өй генә түгел, ишегалдында да барысы өчен дә урын азрак».

Чынлап та, яраткан әни, әбекәй һәм якын кешеләренә рәхмәт сүзләрен әйтергә әлеге нәселнең җитмештән артык кешесе җыелган. Алар арасында шигырьләр, биюләр һәм җырлар белән тәбрикләүче сәләтлеләре дә күп. Нина Михайловна гомере буена «Менделеевский» совхозында эшләгән, сыер савучы, яшелчә үстерүче булган.

Ветеран җәмгыятькә лаеклы сигез бала үстергән, аның 21 оныгы, 20 оныкчыгы, дүрт оныкчыгының оныкчыгы бар.

Котлауларга ветераннар (пенсионерлар) Советы рәисе Лариса Кривилёва һәм Монаш җирлеге башлыгы Ростислав Иосифов кушылдылар.