Никита Юнысовка нибары сигез яшь. Аны район, республика конкурсларында һәм концертларында алып баручы, конферансье, җырчы, театрал буларак күрергә мөмкин.
Һөнәри артист билгеләренең берсе – елмаю. Малайның елмаюлы күзләре һәркемнең игътибарын җәлеп итә. Мәктәптә яхшы укый. «Ля-Ля-Фа» студиясендә вокал белән шөгыльләнә. Ахунов исемендәге халык театрына теләп йөри. Күптән түгел «Җәлил укулары» Халыкара бәйгесеннән җиңүче булып кайтты.
Малайның режимы тыгыз. Укудан һәм сәхнәдән тыш вакытын спортка бирә.
Никита – зирәк һәм акыллы. Ул олимпиадаларда катнаша, призлы урыннар яулый, – дип фикерләре белән уртаклаша әнисе.
Юнысовлар теләк булганда, барысына да өлгерергә мөмкин, дигән фикердә. Иң мөһиме – шәхси вакытны дөрес итеп планлаштыру.
Нет комментариев