Монайдан 70 яшьлек Габтенур Әхмәтшин кул астындагы материаллардан кош оясы ясый. Ул йорты янында үз остаханәсен булдырган. Кошларга оя ясаганда ул еш кына натураль агач куллана.
— Наратка өстенлек бирәм. Ылыслы агачлар озакрак хезмәт итә, − ди Габтенур абый. − Бераз тырышлык һәм вакыт − һәм безнең канатлы дусларыбыз өчен җылы оя әзер булачак.
1 апрельдә Халыкара кошлар көне билгеләнә. Әлеге датага оста участок урманчылары һәм укучылар белән белән берлектә парклар территорияләрендә, посадкаларда уннан артык оя урнаштырачак.
− Сыерчыклар — урман санитарлары. Кошларга ярдәм итеп, без табигатьне һәм андагы байлыкларны саклыйбыз, − дип йомгаклады сүзен Габтенур Мөбарәкович.
Нет комментариев