ЗАГСта үзенчәлекле гаиләләрне тәбрикләделәр

Үзенчәлекле гаиләләрне башкарма комитет җитәкчесенең социаль мәсьәләләр буенча урынбасары Екатерина Ямалеева, инвалидлар җәмгыяте рәисе Рөстәм Минигәрәев һәм җирле ЗАГС бүлеге начальнигы Татьяна Алексеева котладылар.

– Бу бәйрәм чын кешеләрнең үзара мөнәсәбәтләре, бер-берсенә тугрылыклары, зур бәхетләре. Безнең районда мондый парлар булуы белән горурланабыз, алар гаилә тормышында булган барлык шатлыклы һәм борчулы мизгелләрне бергә узганнар һәм бирешмәгәннәр. Сезнең йорт учагы бервакытта да сүнмәсен, – дип теләкләрен җиткерде Татьяна Михайловна.

Озак еллар бергә яшәп бәхетле булуның сере – саф мәхәббәт һәм бер береңне кайгырту, дип белдерделәр Прохоровлар һәм Мустаевлар.