Менделеевскида коронавирус белән авыручыларның саны арткан

Шәһәр властьлары битлек режимын сакларга киңәш итәләр. Узган атнада коронавирус белән авыручыларның саны арткан. Район башлыгы урынбасары Ләйсән Галеева белдерүенчә, халыкка үз сәламәтлеге турында кайгыртырга һәм профилактика чараларын үтәргә кирәк. Шулай ук район үзәк хастаханәсенең баш табибы Оксана Бахматова билгеләвенчә, узган атнада covid-19 белән авыручыларның саны күп мәртәбәләргә артты. Һәр көнне 8-9 кеше теркәлә. 
" Биналарда һәм хезмәт коллективларында термометрия үткәрү кирәклеген искә төшерәбез. ОРВИ билгесе белән авыручы хезмәткәрләрне эш урынына кертергә ярамый, биналарны җилләтү һәм кулларны антисептиклар белән йогышсызландыу мөһим, – дип өндәде Оксана Алексеевна.