IТ-чемпионнарны бүләкләделәр

Казанның IТ-паркында «IТ-чемпион» конкурсының III этабында "Иң актив мәктәп укучысы" номинациясендә һәм "ТР Дәүләт һәм муниципаль хезмәтләре порталын үстерү" иҗади номинациясендә җиңүчеләрне бүләкләделәр. Конкурста иң актив катнашучыларга iPad планшетлары бирелде.
Бүләкләнүчеләр арасында безнең районнан Айдар Хәбиров, Эмиль Вәлиев һәм Артем Минсадыйров та бар. Быел 1 мартта башланган һәм өч этапта үткән конкурста 253 меңнән артык мәктәп укучысы катнашты. Алар ТР дәүләт һәм муниципаль хезмәтләре порталы белән эшләргә 320 меңнән артык өлкәнне өйрәткән. Өч этап нәтиҗәсендә, 459 укучы планшет алган.