«Чорны сайламыйлар»

Шундый исемле уникенче ачык автор җырлары яшьләр фестивале республика бардларын Казанга җыйды.
Иҗат белән янучы һәм музыка, шигырь илендә үзләрен иркен тоючы мәктәп укучылары, студентлар һәм утыз яшькәчә эшче яшьләр әсәрләре аша уй-фикерләрен җиткерделәр. Бәйге бу жанрда осталарны барлады, катнашучыларга аралашу, тәҗрибә уртаклашу мөмкинлеге тудырды. Иҗат үзәгенең "Гитара җыры" берләшмәсенә йөрүче Эдуард Туров, Фәрхәт Латыйпов конкурста иң отышлы җырларын башкардылар. Фәрхәт "Иң яхшы музыка һәм шигырь авторы" номинациясендә дипломант булды. Егетләрне конкурска үзәк директоры урынбасары Татьяна Ясәвиева әзерләгән.