Мәдәният хезмәткәрләре семинары

С.Гассар исемендәге мәдәният сараеның кече залында мәдәният хезмәткәрләре өчен семинар оештырылды.
Ул ТР Мәдәният министрлыгының традицион мәдәниятне үстерү республика үзәге һәм район Башкарма комитеты эгидасында үтте һәм "Заманча шартларда авыл клублары эшчәнлеге: проблемалар һәм перспективалар" дигән теманы яктыртты. Менделеевск, Тукай, Алабуга, Мамадыш, Түбән Кама, Әгерҗе, Зәй районнарыннан җыелган делегацияне мәдәният идарәсе начальнигы Павел Миронов сәламләде. Семинарда темага багышланган докладлар тыңланды, мастер-класслар күрсәтелде. Очрашу түгәрәк өстәл утырышы белән тәмамланды, катнашучыларга сертификатлар тапшырылды.