Меделеевск районы Иске Гришкин авылы халкы «Керәшеннәр — Ходай халкы» фильмы өчен материал туплауда катнаштылар

«Керәшеннәр — Ходай халкы» фильмы авторы Наталья Гудылина һәм оператор Виктор Медведский кинокартиналар төшерүне дәвам итү өчен яңа материал җыю өчен Меделеевск районы Иске Гришкин авылына килделәр.
Бу очрашуга авылның, керәшен мәдәниятен үстерүгә һәм саклауга зур өлеш кертүче хөрмәтле кешеләре чакырылды. «Иске Гришкин авылы тарихы» китабы авторы Иосиф Камашев бу сүзнең һәм әлеге халыкның каян барлыкка килүе турында сөйләде. Шулай ук авылның исеме турында кызыклы тарих белән бүлеште.

ТР керәшеннәр иҗтимагый оешмасының Менделеевск бүлеге җитәкчесе Валентина Мамакова керәшен халкының көнкүреше һәм костюмнары турында сөйләде, Людмила Григорьева белән берлектә керәшен алфавиты һәм җирле музейда сакланган һәм сакланучы китаплары белән таныштырды.
«Бигәшкэй» балалар ансамбленең беренче җитәкчесе Евдокия Камашева музей өчен материаллар һәм экспонатлар ничек җыелганы, беренче бинада керәшен әлифбасының ничек табылуы, балалар белән иҗади эшчәнлек турында мәгълүмат белән уртаклашты.

«Бигәш» керәшен халык фольклор ансамбле әгъзалары ансамбльнең тормышы, керәшен иҗатын үстерүдә һәм саклауда нинди роль уйнавы турында сөйләделәр. Һәм ахырда дуслык турында «Поднос көе» җырын тәкъдим иттеләр.

Очрашу кызыклы һәм мавыктыргыч булды. Наталья Гудылина һәм Виктор Медведский фильмның дәвамы өчен зур һәм яхшы материал туплауга канәгать булдылар.Безнең республика, аның локаль милли үсеше һәм халыкның үзбилгеләнүен саклау өчен, Татарстан территориясендә яшәүче керәшеннәр кебек кече этносларның традицион мәдәниятен саклау тәҗрибәсе мөһим.

«Без керәшеннәр турында фильм төшерүгә зур өлеш кертә алуыбызга шатбыз, чөнки халык тормышында милли традицияләрне саклауның әһәмияте бәяләп бетергесез. Бу халык тәҗрибәсен тапшыру формасы да, милли характерны формалаштыру чыганагы да, үсеп килүче буынны тәрбияләү чарасы да», — дип билгеләп үттеләр Иске Гришкин мәдәният йортында.